Y GYNHADLEDD

Yn cael ei chydnabod fel y brif gynhadledd fusnes i fusnesau Cymru, aeth trydedd cynhadledd undydd Ariannu Twf i’r afael â’r heriau allweddol sy’n wynebu busnesau twf.

Dan gadeiryddiaeth Peter Sissons a gyda rhaglen ardderchog o siaradwyr, rhagorodd digwyddiad eleni, a gynhaliwyd eto yn y Celtic Manor yng Nghasnewydd, ar bob disgwyliad a rhoi diwrnod ysbrydoledig a defnyddiol i gynrychiolwyr. Cafodd perchnogion a rheolwyr busnes gyfle i glywed gan entrepreneuriaid llwyddiannus a wynebodd heriau tebyg i’w rhai eu hunain. O broblemau llif arian i recriwtio personél, cafodd materion sy’n cadw arweinwyr busnes ar ddihun yn y nos eu trafod a’u datblygu mewn cyflwyniadau, sesiwn ryngweithiol a dwy sesiwn cwestiwn ac ateb. I weld cyflwyniadau siaradwyr, cliciwch yma os gwelwch yn dda.

Arddangosodd dros 20 o gwmnïau yn y gynhadledd, gan fanteisio ar bresenoldeb cannoedd o arweinwyr busnes o bob rhan o Gymru. Roedd cinio bwffe a sawl egwyl te/coffi yn rhoi’r awyrgylch delfrydol ar gyfer rhwydweithio - dangosodd adborth fod yr awyrgylch hwn yn uchafbwynt pendant i’r digwyddiad, gydag arweinwyr busnes yn ymofyn gwneud cysylltiadau newydd a chlywed y manylion diweddaraf am ddigwyddiadau busnes diweddar yng Nghymru.

Fin nos, cafodd gwesteion eu cyfarch gyda derbyniad siampaen cyn mynd i Ystafell Caernarfon ar gyfer Cinio Gala Ariannu Twf. Cyflwynydd y noson oedd Adrienne Lawler o deledu Sky, a dathlwyd llwyddiannau’r 50 cwmni twf cyflymaf yng Nghymru. I weld rhestr lawn o’r enillwyr, cliciwch yma.

Roedd Cynhadledd Ariannu Twf 2006 yn llwyddiant mawr; gweler islaw am adborth gan gynrychiolwyr a siaradwyr:

"Fe wnes fwynhau’r gynhadledd yn fawr. Rhwydweithio da a gwybodaeth wych ar botensial dwf cwmni".
Paul Gorin, Marble Recruitment

"Difyr a defnyddiol iawn – gwerth rhwydweithio da".
Sarah Jenkins - Price Jenkins & Co. Cyfrifwyr Siartredig

"Perfformiad proffesiynol iawn drwyddi draw".
David Jenkins, David Jenkins Cyf

"Diwrnod difyr a digon i gnoi cil arno, gyda chynnwys penodol da".
Mike Neyland, Menter Cymru

"Fe wnes fwynhau’r gynhadledd yn fawr iawn ac rydych chi a’ch tîm i’ch canmol am safon uchel y siaradwyr a’r drefniadaeth ardderchog".
Andrew Jardine, Atlantic Industries

"Roedd yn bleser mawr i weithio ar y digwyddiad - nid yn lleiaf oherwydd bod gennych un o’r rhaglenni gorau o siaradwyr a welais. Roedd yn noswaith hyfryd - yn wir rydych i’ch canmol am holl awyrgylch y digwyddiad.".
Peter Sissons, Cadeirydd y Gynhadledd

"Cyfle rhwydweithio ardderchog gyda siaradwyr o'r radd flaenaf. Roedd nifer ragorol o berchnogion-reolwyryn bresennol yn y digwyddiad ac mae'n siwr iddynt fynd gartref gyda chyngor gwerthfawr ar sut i dyfu ac ariannu eu busnesau ar gyfer y dyfodol".
Wyn Jenkins, Golygydd, Wales Business Insider